" خطيبي " خجول وبارد مجنني

يسعد صباحكم ومساكم جميعاً

راح ادخل معاكم بالموصوع دغري

الحين انا عمري 19 وملكت قبل 6 شهور وخطيبي اكبر مني بـ7 سنين بالتمام

ومن يوم ملكت وانا وهو قلقانين وخجوولين ومستحين من بعض ابغى افهم الى متى ..؟

حتى السواليف اللي نسولف فيها كلها مالها داعي عن العمل وهتلر وصلاح الدين خخخخخ

انا ابغى سواليف الحب ياعاااالم

حتى عن نفسه مايسولفلي وش يحب وش يكره لازم انا اسأل

المشكلة انا بنت طبيعتي خجولة وشي عادي اكون قلقانة واعرف شخصيته

واستحي عادي اشوف هالشي

"بس لازم يكون هو الجريء "

لكني والله رومنسسسسسسسسية فوق الحدود

بس انتظره يبدألي بكل جرأة وانا اسير في الخط

مو انا اخجل وهو يخجل سلامات ..؟

يعني اموووووت على حركات الرومنسية والحب لكني ماأتجرأ اسوي اي شي

او اقول اي كلمة لحد مايجرأني هو ويفتحلي المجال من حقي هو الرجال واكبر مني وانا البنت ..

لكن اللي شفتو العكس لما يجي يبغى يقرب مني يمسك يدي

انا عاد وجهي طماااااطم واخجل

ياربي منو يقوم يشيل يده ويتردد كثييير ووجهو يتغير ,, ليه كل ذا ..؟

ياخي معليه بتروح هالطماطم خليك ههههههه

ولاحظت انو يفرح لما يقرب يروح للسفر عشانو يسلم عليا وانا لازم اسلم عليه وداع

لكن آخر زيارة قبل سفره من 3 ايام ماكنت على بعضي عشان آخر يوم اشوفو فيه

وكنت ناوية وكان ودي اضمو قبل لايسافر

بس ماقدرت للأسف ..!

ذبت يوم قرب مني وسلم عليا وحمرت ..

وهو خجول كمان يوم شافني كذا فكني دغري طيب ليييش والله لو مافكني كان ضميته

طيب وش اسوي انا زواجي بعد 5 شهور

انا صح حبيته بس في نفس الوقت متخوفة والله

يعني ودي حب يطيرني من وقت الملكة زي كل البنات

عشان يجي يوم الزواج وانا فرحانة

ودي يكون صريح معايا اكثر ودي يكون جريء معايا بالغزل وباللمسات عشان انا راح اتجرأ

ولو اقول الجيه الثانية انا ابدأ وأضغط على نفسي واتجرأ ماتنفع

لان شكلو ماراح يجي قريب أبداً

لانه دوبه سافر ومقر عمله عسكري واجازاتهم بلى و بمدينة ثانية خسارة

شكلي ماحشوفه الا في يوم الزواج ......!

انا ندمانة لما اصارح اخواتي يقولولي احلى ايام وقت الملكة

استغليها بالرومنسية عشان يشتاقلك اكثر يوم الزواج وتصير احلى ذكريات اعماركم

لكن وش اسوي انا شعلة من الاحاسيس والمشاعر

صعبة كيف انا أبدأ كذا ...؟؟

اللي اعرفه الرجال هو اللي يبدأ .. جد ندمانة مافي شي بيني وبينه حالياً غير الجوال

وصايرة احاول اعوض الأخطاء ياللي قصرت فيها وقت ماكان عندي يوم اني خجلت

صرت اتغزل فيه وارسلو كل يوم مسجات رومنسية

وارسلتلو دوبني 11 بالليل :

(مساء الخير كيف الحلو اليوم ؟

قولي متى تبغى اصحيك ياعمري وفي اي وقت

ترى عآدي انت انا مابيننا شي

وانا وياك قلبين في روح وحدة )

والله كذا كتبتلو بالحرف الواحد تصوروا مارد عليا ......!!!

احس اني ببكي واذا ارسلتلو مسجات حلوة بعد 5 ايام او اسبوع يردلي

واذا كلمتو عادي يمزح وينكت ودمو خفيف واحس فيه شي شالغه بس قاعد يجاملني

بس استغرب من بروده صرت احس اتعامل معاه مو بطبيعة شخصيتي

صرت اقول زي مايطنشني انا راح اطنشه

رغم اني مو من عادتي كذا بس يرفعلي ضغطي احياناً

احسو يستاهل كأني رامية نفسي

تصوروا مرة شهر كامل مادق عليا ..!

ويوم جا في المدينة اللي انا فيها وزارني

اعتذرلي عن غيابه بحجة ايه انو كان مررررة تعبان طول هذيك الايام وانو صوتو اختفى ..

مادري عنه معقول شهر ..!!!

اللي يسمع تصرفاته يقول مو مقتنع فيني ويحاول يتهرب صح ..!!

لكن بالعكس انا عارفة نفسي كل شي فيني حلو شكلي وجسمي وذوقي كمان

وفيني دلع من الله حتى الكل يقول مو مني امدح نفسي ولا غرور

لا وربي اعوذ بالله

لكني عارفة انو مافيني شي يعيبني واحلى منه

حتى اكثر من واحد تقدملي

واستخرت ووافقت على ذا سبحان الله يالنصيب

بس انا اسأل نفسي وأدور وش السبب ياترى اللي يخليه لهالحد بارد وغامض

ولاهو واضح ولاني عارفة صدقه من كذبه

حتى اخته دقت عليا زمان سألتني كيف خطيبك كلمك ترى هو بارد

قلت لالاعادي يكلمني (وهو من جنبها)

يعني من باب العقل صعبة يروحون يدقون عليه يقولوله كلم خطيبتك ويعطونه زفة

ومدري ايه .. يصير يكره الساعة اللي يكلمني فيها صح ..!

مشيت الموضوع وقلت ايوة دايم يكلمني عادي...

قلت بنفسي هالشي بيني وبينه

انا راح اجننو بشكلي وماحيصير بارد

وانا مجننته لأبعد حد ..!

والله يوم كان يجيني البس اللباسات اللي يحبونها كل الشباب بناطيل جينز وبودي

وريحة عطري وشعري وكل شي فيني ممكن يخليه جريء ومتمسك فيني

بس للأسف انا انصدمت مادري اشفيه...؟؟

ولباساتي يوم جاني الواحد والله مغري اكثر من الثاني بينت مواطن الجمال في البنت

ونفس الشي ..!

صح الاحظ علامات الانبهار في عيونه بس ياخي ليش ساكت خخخخخخ

وش تتوقعون ياجماعه بروده ذا مسببلي أزمة

كيف راح اعيش طول عمري مع ذا ...؟؟

حشا جليد ولا شي يأثر فيه ..!!

وربي اني صرت اخاف واكره ليلة الزواج على قد ماكنت اسميها فرحة العمر وع .